Имрӯз ба муносибати Рӯзи кормандони мақомоти андоз дар Нозироти андоз дар шаҳри Турсунзода бо иштироки раиси шаҳр Акрамзода Парвиз Акрам, кормандони нозироти андоз ва соҳаи иқтисоди мақомоти иҷроияи ҳокимияти давлатии шаҳр маҷлиси ботантана баргузор шуд.
Раиси шаҳр кормандони соҳаро ба муносибати иди касбӣ муборакбод намуда, иброз дошт, ки кормандони соҳа бо иҷрои нақшаи андозҳо ҷиҳати таъмин намудани рушди босуботи иқтисодӣ саҳми муносиб доранд. Инчунин Акрамзода Парвиз Акрам барои иҷрои нақшаи буҷети шаҳр дар 4 моҳи соли ҷорӣ ба кормандони ин ниҳод изҳори сипос намуд Дар идома фаъолони соҳа барои саҳмгузорӣ дар иҷрои босифати нақшаи буҷет, баланд бардоштани фарҳанги андозсупории сокинон ва иштироки фаъолона дар корҳои ҷамъиятии шаҳр бо сипосномаи мақомоти иҷроияи ҳокимияти давлатии шаҳри Турсунзода сарфароз гардиданд.
