Таҳти раёсати муовини якуми раиси шаҳри Турсунзода Остоназода Сайдамин Ҳазрат доир ба татбиқи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки 15 декабри соли ҷорӣ дар машварати корӣ баён гардидаанд ва иҷрои амри раиси шаҳри Турсунзода аз 15 декабри соли 2020, №201 вобаста ба истифодаи самаранок ва мақсадноки нерӯи барқ ҷаласаи навбатии Ситоди шаҳрӣ баргузор шуд.Аъзои ситод ва масъулини 16 гурӯҳи корӣ, ки дар шаҳр амал менамояд роҷеъ ба бурдани корҳои фаҳмондадиҳӣ дар самти истифодаи сарфакоронаву мақсаднок ва пешгирии талафоти барқ, пардохти барқи истифодашуда, пешгирӣ намудани истифодаи фурӯзонакҳои тафсону баландшидат ва асбобҳои гармидиҳандаи ғайристандартӣ дар манзилҳои истиқомативу маҳаллаҳои аҳолинишин, муассисаву ташкилот, корхонаву идораҳо ҳисобот манзур намуданд.
Таъкид шуд, ки дар ин замина вобаста ба масъалаи истифодаи самараноки заминҳои наздиҳавлигӣ ва Президентӣ, вусъати кишти тирамоҳӣ омодагӣ ба кишти баҳорӣ ва идомаи корҳои созанда ҷиҳати бунёди иншооти ҷашнӣ бахшида ба 30-солагии Истиқлоли давлатӣ суҳбатҳо доир гардид.
Тибқи маълумоти масъулини ҶСНК “Шабакаҳои барқи Турсунзода” дар натиҷаи корҳои фаҳмондадиҳӣ истифодаи барқ дар шаҳр шабонарӯзӣ аз ҳисоби сарфакории аҳолӣ бидуни маҳдудият аз 105 МВт истифодашаванда ба 90 МВт расонида шуд.
Кори Ситод дар ҳудуди шаҳр идома дорад.
-
-
Ответить
- 2 д.
-
