Имрӯз бахшида ба Рӯзи Парчами давлатии Ҷумҳурии Тоҷикистон дар доираи “Даҳсолаи байналмилалии амал “Об барои рушди устувор” солҳои 2018-2028” дар деҳаи Чанори ҷамоати деҳоти Қаратоғи шаҳри Турсунзода, хати оби нӯшокӣ мавриди баҳрабардории сокинон қарор гирифта, ба ин муносибат бо иштироки роҳбарияти мақомоти иҷроияи ҳокимияти давлатии шаҳр чорабинии тантанавӣ баргузор шуд.Табрикоти раиси шаҳри Турсунзодаро ба ифтихори Рӯзи Парчами давлатӣ аз ҷониби муовини якуми раиси шаҳр Остоназода Сайдамин Ҳазрат расонида шуда, ҳамчунин ҷиҳати амалӣ намудани ин кори муҳим ба соҳибкорон, фаъолон ва аҳли деҳа арзи сипоси баён мақомоти иҷроияи ҳокимияти давлатии шаҳр гардид.
Боиси қайд аст, ки хатти мазкур аз масофаи 4500 метр бо қубури қутри 90 мм кашида шуда, аҳолии беш аз 1400 нафараи деҳаи Чанорро бо оби нӯшокӣ таъмин менамояд. Анҷоми корҳо дар иншоот бо ҳашари дастаҷамъонаи сокинони деҳа дар ҳамкорӣ бо мутахассисон ва техникаи Корхонаи истифодабарии оби нӯшокии деҳоти шаҳри Турсунзода сурат гирифт.
