Имрӯз дар маҷлисгоҳи мақомоти иҷроияи ҳокимияти давлатии шаҳри Турсунзода ба истиқболи Рӯзи Парчами давлатии Ҷумҳурии Тоҷикистон таҳти мавзӯи “Арҷгузорӣ ба муқаддасоти миллӣ эҳтиром ба Ватан аст” вохӯрии аъзои Шӯрои Ҳаракати ваҳдати миллӣ ва эҳёи Тоҷикистон бо фаъолони шаҳри Турсунзода баргузор гардид. Дар ибтидо раиси шаҳри Турсунзода Акрамзода Парвиз Акрам иброз доштанд, ки Шӯрои ҳаракати ваҳдати миллӣ ва эҳёи Тоҷикистон дар шаҳри Турсунзода сиёсати хирадмандонаи Асосгузори сулҳу Ваҳдати миллӣ, Пешвои миллат, Президенти кишвар, Раиси Шӯрои ҳаракати ваҳдати миллӣ ва эҳёи Тоҷикистон муҳтарам Эмомали Раҳмонро собитқадамона амалӣ гардонида, силсилаи чорабиниҳои оммавӣ-сиёсӣ ва фарҳангиро ҷиҳати ҳифз ва таҳкими Истиқлолият, таъмини сулҳу ваҳдати пойдор баргузор намуда истодааст. Баъдан раиси Кумитаи иҷроияи Шӯрои Ҳаракати ваҳдати миллӣ ва эҳёи Тоҷикистон Рудоба Мукаррам доир ба муқаддасоти милӣ аз ҷумла Истиқлолият, Ваҳдати миллӣ Парчами давлатӣ, забон ва фарҳанги миллат суханронӣ намуда, хизматҳои шоёни муҳтарам Пешвои миллатро дар ин самт шоистаи ифтихор ва пайравӣ арзёбӣ намуданд. Ҳамчунин муовини вазири маориф ва илми Ҷумҳурии Тоҷикистон Ғанизода Гулчеҳра, директори Муассисаи давлатии Маркази исломшиносии назди Президенти Ҷумҳурии Тоҷикистон. Холиқзода Абдураҳим Ғафор, ректори Донишкадаи ҷумҳуриявии такмили ихтисос ва касбомӯзии кормандони соҳаи маориф-доктори илмҳои таърих Хоналӣ Қурбонзода доир ба таъриху оини Парчамдорӣ, тарбияи насли ҷавон дар рӯҳияи ватандӯстиву хизмати содиқона ба Ватан, татбиқи қонунҳои милӣ-“Дар бораи масъулияти падару модар дар таълиму тарбияи фарзанд”, “Дар бораи танзими анъана ва ҷашну маросим дар Ҷумҳурии Тоҷикистон” суханронӣ намуданд. Дар идома Шоири ширинкалом Камол Насрулло шеърҳои ватандӯстона ва тозаэҷоди худро қироат намуда, ҳозинро ба арҷгузории муқаддасоти милливу далатӣ даъват намуданд. Дар интиҳо ба мақомоти иҷроияи ҳокимиятии давлатии шаҳри Турсунзода китоби “Ваҳдат, давлат Президент” тақдим гардид.
Сабтҳои охирин
ВАТАНДОРӢ БА ГУФТОР АСТ Ё КИРДОР?… Мулоҳизаҳои Қодири Қосим пас аз як сайри беғараз дар шабакаҳои иҷтимоӣ
Posted on Author Tursunzoda
«Муҳаббат ба Ватан ва муҳаббат ба одамон ду ҷараёни тез мебошанд, ки дар якҷоягӣ дарёи бузурги ватандӯстиро ташкил медиҳанд. Ватандӯстӣ душмани таънаву айбҷӯӣ аст».
В Таджикистане за год увеличился ВВП на душу населения
Posted on Author Tursunzoda
Объем валового внутреннего продукта на душу населения в Таджикистане по итогам 2018 года составил 7 тысяч 565 сомони (803 доллара)
Маҳмудҷони Файзраҳмон, сухангӯе ки ба душмантарошии миллат машҳур аст (Аз силсилаи «Инҳоро бояд шинохт»)
Posted on Author Tursunzoda
Ин нафарак зодаи Ҷайҳун аст. Модарро бо тамоми хешутабор дар ин ноҳия сархам кардааст.