Аҳолӣ Территория Хабарҳо

ҚАБУЛИ САЙЁР ДАР ДЕҲОТИ КӮҲСОР

print
СУҲБАТ БО СОКИНОН ДЕҲАИ ШУЛУМ
Қабули сайёри шаҳрвандон ва суҳбати озоду ошкорои раиси шаҳри Турсунзода Акрамзода Парвиз Акрам дар деҳаи кӯҳии Шулум мавқеъ дар Ҷамоати деҳоти Навобод баргузор шуд. Дар ин замина раиси шаҳр аз муассисаи таълимии деҳа дидан намуд.
Сокинони маҳал ба раиси шаҳр барои мусоидат дар масъалаҳои бунёди обанбор, бунёди синфхонаҳои иловагӣ ва мусодат дар муайян намудани мавзеи чарогоҳ ва дигар масъалаҳои мубрами рӯз муроҷиат намуданд.
Масъулин ҷиҳати баррасӣ ва қонеъ гардонидани муроҷиати шаҳрвандон тибқи мқуаррароти қонун дастур гирифтанд.
БОЗДИД АЗ ДЕҲАИ НАВОБОД
Раиси шаҳри Турсунзода Акрамзода Парвиз Акрам дар деҳаи кӯҳии Навобод мавқеъ дар Ҷамоати деҳоти Регар бо шароити зисти сокинон, бунёди иншооти ҷашнӣ ва фаъолияти муассисаи таълимии деҳа шинос шуда, бо сокинон ва омӯзгорон сӯҳбат ороста, қабули сайёри шаҳрвандонро баргузор намуд.
Зимни суҳбат сокинони деҳаи Навобод вобаста ба мусоидат дар самти аз раиси шаҳр вобаста ба мусоидат дар масоили расонидани кӯмак дар бунёди бунгоҳи тиббӣ, ҷудо намудани қитъаи замин ба ниёзмандон, ҳуҷҷатгузорӣ намудани қитъаи замини наздиҳавлигӣ, таъмини мактаб бо таҷҳизоти муосир ва мавзеи чарогоҳ ва дигар масъалаҳои мубрами рӯз муроҷиат намуданд.
Ҳамзамон раиси шаҳр иброз дошт, ки ҷиҳати сари вақт ва бо сифат сохта, ба истифода додани иншооти тиббӣ сокинони маҳалро дастгирӣ менамояд.
 ДЕҲАИ ЛОЛАЗОР

Зимни қабули сайёри шаҳрвандон, сокинон дар масъалаҳои дастрасии аҳолӣ ба оби ошомиданӣ, таъмини техника ҷиҳати тъмири роҳ, ҷудо намудани қитъаи замин барои бунёди бунгоҳи тиббию мағоза, дастрасӣ ба мавҷи телефонҳои мобилӣ, ҳалли масъалаи мавзеи чарогоҳи чорво ва дигар масоили умбат рӯз муроҷиат намуданд.

НАҚШАҲОИ СОЗАНДА ДАР ДЕҲАИ САРИЧАШМА

Деҳаи Саричашмма аз маҳалҳои аҳолинишини доманакӯҳи деҳоти 10-солагии Истиқлолият ба ҳисоб меравад. 
Зимни қабули сайёр сокинони деҳа бештар дар масъалаи корҳои ободонӣ муроҷиат намуда иброз доштанд, ки бо мақсади сазовор пешвоз гирифтани ҷашни бузурги миллӣ-30-солагии Истиқлоли давлатӣ ният доранд, ки дар деҳа майдончаи варзишӣ, бунгоҳи тиббӣ ва ва чоҳи амӯдиро бунёд ва мавриди баҳрабардории сокинони қарор диҳанд.
Раиси шаҳр иқдоми созандаи сокинони маҳалро шоистаи таҳсин ва намунани ибрат арзёбӣ намуда, иброз дошт, ки мақомоти иҷроияи ҳокимияти давлатии шаҳри Турсунзода дар ин самт ҳамаҷониби сокинонро дастгирӣ ва ҷиҳати сифатан ба анҷом расидани корҳои созанда ҳамкорӣ менамояд.

ДЕҲАИ КӮҲСОР

Шуғли асосии сокинони деҳаи Кӯҳсор асосан чорводорӣ ва кишти зироати ғалладонагӣ ба ҳисоб меравад.
Зимни барузории қабули сайёри шаҳрвандон ба раиси шаҳри вобаста ба муайян намудани мавзеи чорогоҳ, қитъаи замин барои таъсиси хоҷагиҳои деҳқонӣ ва инчунин ҷиҳати бунёди майдончаи варзишӣ ва бунгоҳи тиббӣ муроҷиат намуданд. Ҳамчунин аз мушкилоти деҳа камбуди мавҷи телефонҳои мобилӣ ба ҳисоб меравад.
Ҷиҳати саривақт мавриди баррасӣ ва иҷро қарор додани муроҷиати сокинон масъулин муаззаф гардиданд.
                                               ДЕҲАИ ШИРИНЧАШМА
Дар деҳаи Ширинчашма  зимни баргузории қабули сайёр сокинон дар баробари масъалаҳои марбут ба ҳаёти деҳот сокинон муосидати раиси шаҳрро дар масъалаи дастгирии идомаи таҳсили духтарон дар коллеҷу литсейҳо дархост намуданд. Инчунин иброз шуд, ки дар деҳоти кӯҳсор масъалаи ташкили духтури занона, таваллудхона ва нақлиёти ёрии таъҷилӣ барои сари вақт расонидани кӯмаки тиббӣ аз масоили муҳим арзёбӣ мегардад.
Раиси шаҳр изҳор дошт, ки дар деҳоти кӯҳистон бунёди дармонгоҳи тиббӣ идома дошта, мақомоти иҷроияи ҳокимияти давлатии шаҳр ҷиҳати таъсиси бахши духтури занона тадбирҳои зарурӣ андешида, дар ин самт сокинони деҳаро дастгирӣ менамояд.

 

 

.

Шарҳи худро гузоред

Еmail-и шумо нашр нахоҳад шуд. бахшҳои ҳатми бо * ишора шудаанд *