Раиси шаҳри Турсунзода Акрамзода Парвиз Акрам аз фаъолияти хоҷагии деҳқонии “Ҷамолиддин 2006” дидан намуда, бо рафти ҷамъоварии дастранҷи деҳқон шиносоӣ пайдо намуд.Масъулини хоҷагӣ иттилоъ манзур намуданд, ки заминҳои хоҷагорӣ аз 4 га иборат буда, дар он парвариши сабзавот, пахта, ғалла ва боғу токпарварӣ ба роҳ монда шудааст.
Соли ҷорӣ хоҷагидорон дар 0,25 гектар замин гармхона бунёд намуда, ба парвариши помидор ва бодиринг машғул шуданд.
-Аз гармхона мо имсол ҳосили дилхоҳ ба даст оварда, аз даромади соф қаноатманд ҳастем. Дар оянда боз 0,25 га заминро барои гармхона омода менамоем, иброз дошт, сардори хоҷагӣ
Раиси шаҳр ҷиҳати густариши хоҷагӣ ва боз ҳам зиёд намудани ҳосил бо хоҷагидорон дастурҳои муфид пешниҳод намуд
