Имрӯз дар ҷамоати деҳоти Пахтаобод қабули сайёри раиси шаҳри Турсунзода Акрамзода П.А. бо сокинон баргузор шуд.Дар ибтидо раиси шаҳр иброз дошт, ки мақсад аз баргузории қабули шаҳрвандон дар маҳал татбиқи Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» буда, ба ин васила расидан ба арзу дархости сокинони маҳал мебошад.
Дар идома як қатор сокинон ҷиҳати мусоидат ба ҳалли масъалаҳои рӯзмарраи маҳал аз ҷумла, барои таъмини бехатарии роҳ ҷиҳати гузоштани монеаҳо дар назди муассисаии таълимӣ, ҷудо намудани техника барои таъмири ҷӯйборҳо ва роҳҳои маҳал, ҷудо намудани қитъаи замин барои бунёди манзили истиқоматӣ, дастгирӣ ва расонидани кӯмакҳои моддӣ ба оилаҳои ниёзманд ва дигар масоили мубрам ба раиси шаҳр муроҷиат намуданд.
Раиси шаҳр ба масъулин супориш дод, ки дархости сокинони деҳотро тибқи талаботи Қонун баррасӣ намуда, аз натиҷаи он ба роҳбарияти шаҳр маълумот манзур намоянд.
