Вохӯри бо ҷамоат

ҚАБУЛИ САЙЁРИ ШАҲРВАНДОН ДАР ҶАМОАТИ ДЕҲОТИ 10-СОЛАГИИ ИСТИҚЛОЛИЯТ

print
Ҷиҳати татбиқи Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» аз ҷониби раиси шаҳри Турсунзода Акрамзода Парвиз Акрам имрӯз дар ҷамоати деҳоти 10-солагии Истиқлолияти қабули навбатии сайёри шаҳрвандон баргузор шуд. Дар ҷараёни қабули сайёри шаҳрвандон ҳамчунин намояндаи Ҳукумати Ҷумҳурии Тоҷикистон дар шаҳри Турсунзода вобаста ба сазовор пешвоз гирифтани 30-солагии Истиқлоли давлатии Ҷумҳурии Тоҷикистон, Президенти академияи илмҳои кишоварзии Тоҷикистон Асозода Нуралӣ Маҳмадулло ширкат варзид.
Аз ҷониби сокинон барои мусоидат ба ҳалли масъалаҳои ҷудо намудани қитъаи замин барои хоҷагии ёрирасон ба ниёзмандон, бунёди манзили истиқоматӣ, сохтмони дорухона ва маркази савдо муроҷиат шуд.
Баъд аз шунидани арзу талаби сокинон Акрамзода Парвиз Акрам масъулини мақомоти иҷроияи ҳокимияти давлатии шаҳр ва кормандони дастгоҳи ҷамоати деҳотро вазифадор намуд, ки муроҷиати сокинонро тибқи муқаррароти қонун сари вақт мавриди баррасӣ қарор дода, аз иҷрои он маълумот манзур намоянд.
Намояндаи Ҳукумати Ҷумҳурии Тоҷикистон Асозода Нуралӣ Маҳмадулло дар назди сокинон баромад намуда, иброз дошт, ки баргузории қабули сайёр ва суҳбати рӯ ба рӯ бо мардум ба нафъи кори мақомоти иҷроияи буда, омили табиқи Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» ба ҳисоб меравад.

Шарҳи худро гузоред

Еmail-и шумо нашр нахоҳад шуд. бахшҳои ҳатми бо * ишора шудаанд *