Аз 1 то 15 октябри соли равон дар мамлакат барӯйхатгирии аҳолӣ ва фонди манзил баргузор гардида, ин маъракаи муҳими сиёсӣ дар шаҳри Турсунзода низ дар сатҳи баланд ташкил ва баргузор гардид.
Вобаста ба ин масъала имрӯз дар толори мақомоти иҷроияи ҳокимияти давлатии шаҳри Турсунзода ҷаласаи комиссияи корӣ таҳти роҳбарии муовини раиси шаҳр Собирзода Ғафурҷон Мирзоалӣ доир гардид. Муовини раиси шаҳр қайд намуд, ки барои дар сатҳи зарурӣ гузаронидани маъракаи барӯйхатгирии аҳолӣ ва фонди манзил дар шаҳр 20 шуъбаи бақайдгирӣ, аз ҷумла 2 шуъба дар маркази шаҳр ва 18 шуъба дар деҳот ташкил гардида,149 қитъаи дастурдиҳӣ ва 708 қитъаи ҳисобгирӣ сафарбар гардида, 958 нафар корманди муваққатӣ ба кор фаро гирифта шуданд.
Дар идома як қатор кормандони фаъоли Агентии омори назди Президенти Ҷумҳурии Тоҷикистон дар шаҳри Турсунзода ва кормандони муваққатӣ дар асоси амри раиси шаҳри Турсунзода аз 02.12.2020, №190 барои саҳми муносиб гузоштан дар ташкил ва гузаронидани ин маъракаи муҳими сиёсӣ бо Сипосномаи мақомоти иҷроияи ҳокимияти давлатии шаҳри Турсунзода сарфароз гардонида шуданд.
