Таҷлил

ИДИ КАСБӢ МУБОРАК!

print

Кормандони соҳаи энерге­тикаи шаҳрамонро бо иди касбиашон – Рӯзи

 энерге­тикҳо, ки ҳар сол 22 декабр дар саросари кишвари азизамон қайд карда мешавад, табрику муборакбод менамоем.

Дар қарни ХХI энергетика ба яке аз омилҳои муҳимтарини ҳастии дав­латҳои олам табдил ёфта, бе рушди он рушди соҳаҳои иқтисодиёту иҷти­моиёт ғайриимкон гардидааст.

Аз ин лиҳоз, расидан ба истиқло­лияти энергетикии мамлакат яке аз ҳадафҳои асосии стратегии Ҳуку­мати Ҷумҳурии Тоҷикистон эълон гардида, барои ноил шудан ба ин ҳадаф тамоми имкониятҳо фароҳам оварда шудааст.

Роҳбарият ва мардуми созандаи кишвар кӯшиш ба харҷ дода истода­анд, ки Нерӯгоҳи пуриқтидори барқи обии Роғун бунёд гардад ва дар ин самт Пешвои муаззами миллат бо қадамҳои устувор саҳми арзандаву назаррас гузоштанд.

Корҳои амалишудаистода дар системаи энергетикаи кишвар моро ба истиқлолияти энергетикаи мам­лакат наздик менамояд ва тавре ки Сарвари давлат таъкид менамоянд, дар солҳои наздиктарин мушкилоти энергетикӣ ба куллӣ аз байн мера­вад. Аз байн рафтани маҳдудияти интиқоли қувваи барқ ба аҳолӣ дар фасли сармо исботи гуфтаҳои боло­янд.

Кулли кормандони соҳаро бори дигар бо иди касбиашон – Рӯзи энер­гетикҳо муборакбод намуда, ба онҳо саломатӣ, умри бобаракат, хушбах­тӣ ва комёбиҳои тозаи меҳнатӣ та­манно менамоем.

Шарҳи худро гузоред

Еmail-и шумо нашр нахоҳад шуд. бахшҳои ҳатми бо * ишора шудаанд *