Хабарҳо

ХОНИШИ АЪЛО ҶИҲАТИ ОМӮЗИШИ КАСБУ ҲУНАР

print
Дар доираи моҳномаи ҷавонон ба истиқболи Рӯзи ҷавонон имрӯз раиси шаҳр Акрамзода Парвиз Акрам бо хонандагони синфҳои болоии МТМУ N 20 суҳбати озод доир намуданд.
Муҳтавои суҳбат асосан ба масъалаи татбиқи сиёсати давлатии ҷавонон равона шуд. Зимни суҳбат бо хатмкунунадагон маълум гардид, ки аз 74 нафар хатмкунандагони синфи 11- ум 64 нафар ҷиҳати идомаи таҳсил дар муассисаҳои олии кишвар ба Маркази миллии тестӣ ҳуҷҷат пешниҳод намуда, хатмкунандагони дигар ҳуҷҷатҳои худро барои идомаи таҳсил ба коллеҷҳои касбӣ пешниҳод кардаанд.
Раиси шаҳр ҷавононро ба хониши хубу аъло ва андухтани касбу ҳунар даъват намуда изҳор доштанд, ки бо мақсади дастгирии насли ҷавон ва тарбияи ҷавонони соҳибкасб ҳар ҷавоне, ки дар муассисаҳои олӣ бо баҳои хубу аъло мехонаду аз лиҳози молиявӣ душворӣ дорад, аз ҷониби мақомоти иҷроияи ҳокимияти давлатии шаҳр дастгирӣ меёбад.

Шарҳи худро гузоред

Еmail-и шумо нашр нахоҳад шуд. бахшҳои ҳатми бо * ишора шудаанд *