-
Бо мақсади шиносоӣ бо вазъи соҳаи кишоварзӣ ва ҷараёни корҳои созанда гурӯҳи кории ҳукуматӣ таҳти роҳбарии муовини Сарвазири мамлакат Зиёзода Сулаймон Ризоӣ ба шаҳри Турсунзода сафари корӣ анҷом дод.
Дар ибтидо раиси шаҳри Турсунзода Акрамзода Парвиз Акрам гурӯҳи кориро бо вазъи соҳаи кишоварзӣ шинос намуд.
Дар гармхонаҳои Ҷамоати деҳоти Турсун Туйчиев ва ба номи Ҷӯра Раҳмонов гурӯҳи корӣ бо нашъунамои сабазавот, аз ҷумла, помидор ва бодиринг шинос шуданд.
Дар Ҷамоати дехоти Навобод ба гурӯҳи корӣ вобаста ба парвариши сабзавоти гуногун аз ҷумла доир ба и нашъунамои картошка маълумот пешниҳод гардид.
Муовини Сарвазири мамлакат Зиёзода Сулаймон Ризоӣ дар хоҷагии “Самир” дар маъракаи кишти пунбадона иштирок намуд. Дар хоҷагии мазкур бо иштироки хоҷагидорон ва собиқадорони соҳа аввалин кишти пунбадона амалӣ гардида, муовини Сарвазири мамлакат бо кишоварзон доир ба истеҳсоли маҳсулоти кишоварзӣ, ғанӣ гардонидани бозори истеъмолӣ, таъмини аҳолӣ бо маҳсулоти барвақтӣ, инчунин саҳмгузорӣ дар таъмини амнияти озуқавории мамлакат суҳбати озоду ошкоро доир намуд.
Дар идома Сулаймон Ризоӣ бо вазъи таъмини оби полезӣ, ҷараёни сохтмонҳои муассисаҳои таҳсилотӣ шинос шуда, ҷиҳати амалӣ намудани сиёсати созандаи муҳтарам Пешвои миллат ба масъулин супоришҳои мушаххас дода шуд.
Комментировать
Поделиться
