Раиси шаҳри Турсунзода Акрамзода Парвиз Акрам аз рафти корҳои сохтмонӣ дар бинои нави муассисаи таълимии №49 воқеъ дар деҳаи Ғайрати ҷамоати деҳоти ба номи Ҷӯра Раҳмонов шинос шуд.Сохтмони иншооти мазкур дар доираи Нақшаи чорибиниҳо ҷиҳати сазовор пешвоз гирифтани ҷашни 30-солагии Истиқлоли давлатии Ҷумҳурии Тоҷикистон аз ҷониби соҳибкори маҳаллӣ Нурматов Ӯрунбой ба нақша гирифта шудааст.
Бинои нав бар ивази бинои собиқи муассиса пурра аз нав бунёд гардида, он барои 640 нафар хонанда пешбинӣ шудааст. Сохтмони поя ва ошёнаи якуми бино ба анҷом расида, айни ҳол кор дар ошёнаи дуюми иншоот идома дорад.
Сохтмончиён нақша доранд, ки иншооти мазкур дар арафаи 30-солагии Истиқлоли давлатии Ҷумҳурии Тоҷикистон мавриди баҳрадардории насли наврас қарор дода шавад.
